Mātauranga Māori Learning Specialist – NHC Toka Tū Ake
24/09/2024
29/10/2024
Fixed Term
Auckland
Education, Childcare & Training
Tāmaki Paenga Hira: Tui tui hono tangata, whenua me te moana. He whare maānawanui a Tāmaki Paenga Hira kia whakawhanake, kia whakatoha, ā kia whakamana i ngā tikanga kawa a ngā Iwi taketake puta noa ake i ngā tōpito katoa o te Ao.
Koirā ka whakaatu i ngā Waonui Pupuri Taonga tā te whare, i ngā whakaaturanga, i ngā kaupapa huihuinga tangata otirā i ngā tini kaupeka whakaako.
He whare maumahara a Tāmaki Paenga Hira otirā koia anō te Whare Rangahau Pakeke o te Motu e kaha karanga ake nei, ā e kaha manaaki nei i ngā manuhiri tuārangi ka tae mai ki Tāmaki Mākaurau.
He whare wairua māringiringi i te koanga ngākau a Tāmaki Paenga Hira e kaha manaaki ana i ngā tūāhua tangata katoa otirā i ngā tikanga kawa taketake pēnei i ngā tuhinga rautaki tā te Teu le Vā, otirā tā He Korahi Māori.
He nui tonu ngā tūmomo āwhina nei mō ngā kaimahi pēnei i ngā mahi tāwariwari, i ngā hararei, he inihua, puta noa ki te hōtaka rongonui nei kua whai tohu whakamana mō te āhuatanga tiaki i te oranga tangata ,ā tinana mai, ā wairua mai.
Job Description
Kei te rapa nei mātou i tētahi tangata matatau i te reo Māori, ā, e ngākaunui ana ki te ao whakaako, otirā he mōhioranga ōna ki te Taiao.
Ko ngā Maunga Puia te kaupapa ako matua nei.
Kei te rapa nei i te tangata e āhei ana ki te kawe kounga mai i ōna wā ako i roto i te reo Māori, ā, kia kounga anō te kupu whakaako i roto i te reo Pākehā mō ngā Kura Auraki.
Ahakoa kē te reo tuku nei, kia mātua mai, ā, kia kounga mai te wairua Māori i roto i ngā akoranga.
He wāhanga nei kia whakahoahoatia e te tangata te hōtaka whakaako kia Māori ai tōna tuku ā whakaaro mai, ā pūrākau mai, ā wairua mai.
He mea nui tonu kia whai hononga ēnei mahi ki te marautanga ā-motu, kōhungahunga mai piki ake ki ngā mahi NCEA ki te taha Wharekura.
Desired Skills and Experience
Kia riro i a koe tēnei tūnga mahi kua mau rānei koe i te mōhioranga, i ngā pūkenga, i ngā āheinga me te wheakoranga i roto i ēnei e whai ake nei –
He Tohu Paetahi Mātauranga Whakaako/Kaiako, Tikanga Whare Taonga, He Tohu Paetahi kē atu e whai pānga tata nei rānei
E rua ki te toru tau piki ake i roto i te Ao whakaako
He mōhioranga otirā he wheakoranga i ngā tūāhuatanga ako rerekē
He wheakoranga i roto i ngā kaupeka tā te GLAM
He mōhioranga ki Te Aho Matua
He mōhioranga e pā ana ki te Ara Mātauranga o Aotearoa puta noa ki ngā tuhinga here tā Te Marautanga o Aotearoa ā Māori, ā Auraki, Ka Hikitia, Te Mahere Mātauranga Pasifika, ngā tuhinga Rautaki a te Tāhūhū puta noa ki ngā rauemi ā ipurangi pērā i te TKI
He māramatanga ki te rautaki Māori arā He Korahi Māori otirā ki te rautaki Pasifika Teu le Vā
Kia kounga te whakahuatanga o ngā kupu Māori, ā kia kounga anō te mōhioranga ki te Ao Māori puta noa
He māramatanga ki ngā herenga ā ture e hāngai pū ana ki te Whare Pupuri Taonga pērā ki te ture AWMM 1996
He raihana matua hara kore
Kua whai tohu, kua tutuki rānei i ngā akoranga e pā ana ki te tūkino me te tiaki tamariki, ā ka ngākau nui rānei kia tutuki taua kaupapa ako
He māramatanga rānō i ngā mahi rorohiko otirā ki ngā āhuatanga katoa tā te Tari MS {MS Office}
Kia kounga te kupu kōrero i ngā kōrero ā waha me te tuhituhi kōrero
Kia hīkaka ake te whai i te whanaungatanga i waenganui i ngā hoamahi puta noa ake ki te hapori whānui
He āheinga kia whānui mai ngā whakaaro he whai atu i te tika otirā i te pai i ngā piki me ngā heke o te wā i roto i ngā mahi
He āheinga kia whānui tonu te āhuatanga whakaako ki tērā rōpū, ki tērā rōpū puta noa ake.
He aronga nui kia whakawhanake haere i ngā tūāhuatanga whakangungu kaimahi otirā kia tau tonu te mōhioranga i ngā rautaki whakaako tiketike puta noa ake ki ngā herenga ariā tā te Ao mātauranga.
Click here to view the position description, or if you are viewing from within Seek please select the 'apply' button above to access the full position description via the job listing on the Museum careers page.
Te Ra Kati:Mane, 29 Oketopa 2024 (10 am)
Me tika te āheinga kia whai tūnga mahi ki Aotearoa nei.
He whare manaaki, he whare atawhai a Tāmaki Paenga Hira. Ka manaakihia ngā momo tangata katoa, ka poipoi mātou i te tikanga-ruatanga i runga anō i ngā kōrero a mātou rautaki, arā ko Teu le Vā me He Korahi Māori. He nui anō ngā hua papai e whakawhiwhia ana ki ngā kaimahi pērā i ngā whakaritenga ngāwari mō te mahi me ngā rā whakatā, ngā momo inihua, otirā he hōtaka hauora kua whakawhiwhia ki tētahi tohu.
He angitū kaitā tonu tēnei kia whakapiri mai ki tēnei whānau o Tāmaki Paenga Hira e kaha kōrero atu nei i ngā hītori, i ngā pakiwaitara o Tāmaki Mākaurau puta noa ake ki ngā kōrero whānui o te Motu he tūnga motuhake i roto i ngā nekehanga me te whakawhanaungatanga o Te Moananui ā Kiwa
